नसताना तू असताना

तू नसताना सरता सरत नाहीत	क्षण
	क्षण पुरता पुरत नाहीत तू असताना
तू नसताना तुझ्या वाटेवरून हलत नाही	नजर
	नजर हलत नाही तुझ्यावरून तू असताना
तू नसताना आठवायचे तुला	मनात
	मनात साठवायचे तुला तू असताना
तू नसताना छळतो मला	चंद्र
	चंद्र जळतो तू असताना
तू नसताना येते	रितेपण
	रितेपण रितं होऊन जात तू असताना
खरच किती फरक पडतो बघ तू नसताना अन् असताना
असताना फारसे नाही	जाणवत
	जाणवतं क्षणोक्षणी तू नसताना
:-( नसताना	तू असताना :-)

चंद्रमुखी

येतोय तुला भेटायला.....

अमृता,
      येतोय तुला भेटायला,

पहाटेचे नाजुक दव
    तशी तुझ्या ओठांची लव
ओठांवरील दव टिपायला
    येतोय तुला भेटायला ...

बनवशील साखरभात प्रेमाने
    भरवशील आपल्या हाताने
बोटांची लज्जत चाखायला
    येतोय तुला भेटायला ...

असेल तुझ्या हातात हात
    हळुवार झुळुक अन् तार्‍यांची साथ
एकमेकांना बिलगून चालायला
    येतोय तुला भेटायला ...