नसताना तू असताना

तू नसताना सरता सरत नाहीत	क्षण
	क्षण पुरता पुरत नाहीत तू असताना
तू नसताना तुझ्या वाटेवरून हलत नाही	नजर
	नजर हलत नाही तुझ्यावरून तू असताना
तू नसताना आठवायचे तुला	मनात
	मनात साठवायचे तुला तू असताना
तू नसताना छळतो मला	चंद्र
	चंद्र जळतो तू असताना
तू नसताना येते	रितेपण
	रितेपण रितं होऊन जात तू असताना
खरच किती फरक पडतो बघ तू नसताना अन् असताना
असताना फारसे नाही	जाणवत
	जाणवतं क्षणोक्षणी तू नसताना
:-( नसताना	तू असताना :-)