चित्र

एकदा मी चित्र काढण्याचे ठरवले
कागद, रंग, पेन्सिल सर्व गोळा केले
   मनातलं उतरु लागलं कागदावर
   समाधानाचे रंग पसरू लागले मनावर
तितक्यात काय झाले
धक्का लागला की मीच चुकलो
पण एक अनपेक्षित फटकारा
अन् सारे चित्र खराब झाले
   उदासीचे रंग दाटले मनावर काही वेळ
   जर-तर चा सुरू झाला खेळ
पण मग विचार आला मनात
सल आहेच खराब झालेल्या चित्राची
पण चित्रकला तर अजून जिवंत आहे हातात
उचलू पुन्हा रंग नव्या उमेदीने
अन् साकारू सुंदर चित्र