ही आणि ती

चाहूल लागता हिच्या पावलांची

मी हळूच तिला लपवतो

चेहरा असतो अगदी साळसूद

पण पोटात गोळा आलेला असतो

खात्री झाली हिच्या जाण्याची की

मी तिला बाहेर काढतो

चेहऱ्यावर असतात सुटकेचे भाव

आनंद पोटात मावत नसतो

अशी उडते तारांबळ 

लपवण्यात हिच्यापासून तिला

प्रेम आहेच हिच्यावर पण

सोडवत नाही तिला

ही कोण ते कळलीच असेल तुम्हाला

प्रश्न पडला असेल ती कोण आहे?

अहो मी आपला सरळ साधा माणूस

साखर सापडली रक्तात म्हणून मिठाई वर्ज्य आहे