उठता बसता खाता पिता
बेडवर आणि टॉयलेटमध्ये सुद्धा
कंटाळा आलाय आता मला रे
कधीतरी मला बाजूला ठेव रे
काय ते सतत अंगठा चालवणं
विसरून गेला आहेस धावणं खेळणं जाणं येणं
सहा इंची स्क्रीन बाहेरही आयुष्य आहे रे
कधीतरी मला बाजूला ठेव रे
सहाय्यक आहे मी, बनवलस मला सर्वस्व
पडतो आहेस एकटा, आजूबाजूच्या माणसांकडे दुर्लक्ष
त्यांच्यासाठी आणि स्वत:साठी थोडीतरी सवड काढ रे
कधीतरी मला बाजूला ठेव रे
कोरोना हे निमित्त, करतच होतास अतिरेक
माझ्यापायी हरवलास सारासार विवेक
आता हे सर्व माझ्याकरवीच करशील टाईप आणि पोस्ट
पण कधीतरी जमव मैफिल आणि उघड डायरी रे
कधीतरी मला बाजूला ठेव रे
No comments:
Post a Comment